Online ki duniya mein Captcha kya hai (What is Captcha in Hindi). Iss baat ko lekar aap kafi pareshan hue honge. Jab bhi aap kisi naye Website mein Register karte honge ya phir kisi Blog mein Comment kiye honge toh apse ye jarur pucha gaya hoga ki tedhe-medhe alphabets aur Numbers enter karne ko. Mujhe pata hai ki ye bahut hi Frustration wali baat hai. Kabhi-kabhi to lower case L aur number 1, Upper case O aur number rt0 mein bahut confusion hota hai.

Yet baate mein isliye itni daave ke sath keh sakta hu kyoki maine bhi inhi sabhi pareshaniyo ko face kiya hai. Meine ghanton tak inhi Captcha Code ko solve karne ki hai. Main hamesha se yahi sochta rehta tha ki kyo ye unn Alphabets ko sidhe-sidhe show nahi karte jisase user ko aasani hoti inhe solve karne mein. Inhi sabhi pareshaniyo ko solve karne ke liye hi aaj maine yeh article "Captcha kya hota hai" ya  "What is Captcha Code" likha hai taki aap logon ko kuch suni aur kuch ansuni baate bata saku.

Captcha Code In Hindi

Content:

  • What Is Captcha Code?
  • Captcha Code Hum Kyo Use Karte Hain?
  • How To Solve Captcha Code?
  • Types Of Captcha.
  • Profit Of Captcha Code.
  • Future Of Captcha Code.

What Is Captcha Code?

Aakhir Captcha Code hai kya, toh apki jankari ke liye mein bata du ki CAPTCHA ka full form hai "Complete Automated Public Turing Test To Tell Computers and Human Apart". Isse sabse pehle Year 2000 mein Luis Von Ahn, Manuel Blum, Nicholas Hopper aur John Langford ke dwara laya gaya tha jo ki Carnegie Mellon University ke professor the. Yun kahe to ye ek aisi Technique hai jisase insano aur machine mein farq kiya ja sakta hai.

Agar kisi ne pucha ki Captcha Code kya hai? Toh mera aasan sa jawab hoga ki ye ek aisa zariya hai jo ki ek Security Check ke tarah kaam karta hai aur jisko paar karna ya Machine ya Robot ke fever mein sambhav nahi hai. Iske use se Spams auur Unauthorised Access ko bahut hud tak roka ja sakta hai.

Mainly do tariko se Captcha Code ka Content Generate kiya ja sakta hai.

  • Aap khud bhi Code submit kar sakte hain.
  • Aap chahe to Automatically Code Generate bhi kar sakte hain.

Captcha Code Hum Kyo Use Karte Hain?

Captcha Code ka istemal ek Security Measure ke roop mein kiya jata hai, jise kewal insaan hi solve kar sakte hain na ki koi Machine ya Robot. Kyoki Bots iss type ki Security ko tod nahi sakte.

Inka Design hi Hackers aur Spammers ko rokna hai Restricted Areas se janha ki inko Crawl karna mana hai. Nahi to ye jakar wanha se Password bhi chura sakte hain. Yadi hum baat kare ki kaise Captcha Code ko Generate karte hain. To main apko bata du ki Captcha Code ko Generate karne ke liye uske Image mein Text aur Numbers ko Include karne ke baad uss Image ko Perverted (Vikrit) kar diya jata hai taki unn aksharon ko koi bhi OCR Technology nahi pehchan sake, isse kewal manushya ki aankhon se hi padha aur samjha ja sakta hai. Apke jankari ke liye bata du abhi tak duniya mein ek behatrin Captcha Code Solving Algorithm teyar nahi hua hai.

Aap khud hi sochiye agar koi Website ya Blog owner koi bhi Security Measures Captcha ki hi tarah istemal nahi karega to rozana usse aise hazaro ki sankhya mein Spam Mails aur Messages aayenge. Yeh to hui kisi chhote Blog ya Website ki baat. Ab aap sochiye ki kya hal hi raha hoga yadi apki Website ya Blog thodi jyada Popular hai tab. Toh agli baar yadi apka kisi naye Captcha Code se hua to uss Blog ya Website ke upar jyada pareshan hone ki jarurat nahi uss dauran ye sochiye ki ye Captcha Code ko aap Solve karke aap uss Website ya Blog ke Spammers ya Bots se bacha rahe hain jo ki ek bahut hi nek kaam hai.

"How To Download And Install Turbo C++ Software In An Android In Hindi"

How To Solve Captcha Code?

Mujhe ye baat achhi tarah se malum hai ki Captcha Code ko Solve karna kitna hi tension wala kaam hah. Isse Solve karne ke pehle main apko kuch batana chahta hu ki Captcha Code ka ek Database hota hai janha ki bahut saare Image aur Characters hote hain, Jab bhi hum koi naya Captcha Code request karte hain to uska Algorithm Randomly ek Puzzle teyar karta hai, yadi user ka likha hua Code match kar jata hai to aap uss Website ko enter kar sakte hain, Aur yadi Code match nahi karta to dusra Puzzle uski jagah le leta hai. Aur ye Circulation aise hi chalta rahega.

"What Is Affiliate Marketing | Affiliate Marketing Kya Hai | How To Make Money From Affiliate Marketing In Hindi"

Types Of Captcha

Aap sabhi ka bahut se prakar ke Captcha Code se samna hua hoga, itne sara Captcha Code ka hona matlab hai ki jis prakar ka aapka Website hoga ussi dhang ka Catch bhi hoga. Toh aaj hum janenge ki kitne prakar ke Catch Code maujud hai.

Text Recognition Based (Example: reCAPTCHA) : Iss prakar ke Captcha mein jo Puzzle hain woh saare Text Based hote hain, Jisme user ko Code ko Solve karne ke liye usme likhe Text ko pehchanana padta hai. Uske baad hi wo Website ko enter kar sakta hai.

Image Recognition Based (Example: identiPIC) : Iss prakar ke Captcha mein jo Puzzle aata hai woh saare Images Based hote hain, Jisme user ko Code ko Solve karne ke liye uss Images ko Identify (Pehchanana) karna padta hai. Uske baad hi wo Website ko enter kar sakta hai.

Social Authentication/ Friend Recognition (Example: Facebook CAPTCHA) : Iss prakar ka Catcha Generally Social Media Website mein use hota hai, Aur isme Puzzle aata hai wo saare Friends Profile Photo Based hote hain, Jisme user ko Code ko Solve karne ke liye uss Profile Picture ko Identify (Pehchanana) karna padta hai. Uske baad hi wo Website ko enter kar sakta hai.

Logic Questions Based (Example: textCAPTCHA) : Iss persist ke Captcha mein jo Puzzle aata hai woh saare Logic Question Based hote hain, jisme use ko Chode ko Solve karne ke liye puche gaye Question ka Answer dena padta hai. Uske baad hi wo Website ko enter kar sakta hai.

User Interaction Based (Example: Sliders Type) : Iss prakar ke Captcha mein jo Puzzle aata hai wo saare Interaction Based Question hote hain, Jisme user ko Code ko Solve karne ke liye unn Questions ke Answer dena padta hai, Yanha Interaction se Related Question puche gaye hote hain. Uske baad hi wo Website ko enter kar sakta hai.

"What Is Computer Programming Languages?"

Profit Of Captcha Code

Jab se Captcha Code ki Implementation hui hai tab se iska use bahut hi badh gaya hai. Yeh ek aisa Program hai jo ki hamare Website aur Blog ki suraksha karte hain Bots aur Spammers se. Woh ek aisa Security test teyar karte hain jise clear karna Bots ke liye Impossible hai. Toh chaliye jante hain Captcha Code aur kuch fayde ke baare mein –

  • Blog mein comments Spam ko rokna.
  • Website Registration ko Protect karna.
  • Email Address ko Email Scrapers se bachana.
  • Online Poll create karna.
  • Website ko Dictionary Attack se bachana.
  • Website ko Bots se bachana.
  • Bade-bade Spammers se apne Website ko bachana.
Online ki duniya mein apne Data ki Security sabse jaruri hai, toh hum keh sakte hain ki Captcha Code hamare Website ki pehli Line Of Defence hai. Ab tak apko samajh mein aa gaya hoga ki "What Is Captcha" aur ye kitni jaruri hai hamare Blog ke liye.

"What Is Freelancing? | Freelancing Se Paise Kaise Kamaye"

Future Of Captcha Code

Jab se Captcha Code ko Website Security ko badhane ke liye use kiya gaya hai tab se iski Importance bahut badh gayi hai, agar aapne dhyan diya hoga to aap jan sakte hain ki samay ke sath-sath Captcha Code bhi dheere-dheere kathin (Difficult) ho rahe hain. Aisa isliye kyoki aajkal naye-naye Advanced Pattern Recognition Software aur Machine Learning Algorithms aa chuke hain jo ki bahut hi Advanced hai simple Captcha Code ko Solve karne mein, aur agar ye issi tarah badhte rahe to jald hi ye saare Captcha Code ko Difficulty ko badhaya ja raha hai inhi sabhi mushkilo ko Solve karne ke liye.

Meri puri Expectation hai ki maine aap logom ko "Captcha Kya Hai (What is Captcha in Hindi)"? ke baare mein puri jankari di hai aur Main Expect karta hu ki aap logon ko iss naye Security Technology ke baare mein samajh aa gaya hoga. Meri aap sabhi Readers se Request hai ki aap log bhi iss jankari ko apne Neighbors, Relatives aur apne Friends ke sath Share kare, jisase ki hamare beech jagrukta hogi aur isse sabko bahut labh hoga. Mujhe aap sabhi ke Support ki jarurat hai Jisase main aur bhi nayi jankari aap logon tak pahuncha saku.

“ मेरा देश बदल रहा है आगे बढ़ रहा है ”

Post a Comment

أحدث أقدم